Մասնակիցները՝ 2․1 դասարանի սովորողներ
Ժամանակահատվածը՝ փետրվարի 1-26
Նախագծի նպատակը
- Ծանոթացում հեքիաթագրին
- Ընթերցանության և ընթերցասիրության խթանում
Թումանյանական ստեղծագործությունների միջոցով զարգացնել սովորողների բանավոր և գրավոր խոսքը, վերլուծական մտածողությունը, ստեղծագործական երևակայությանը, անկաշկանդ արտահայտվելու կարողությունը։
Նախագծի խնդիրները
- Բառապաշարի հարստացում և զարգացում
- Թումանյանական բանաստեղծությունների յուրացում /բերանացի/
- Ստեղծագործությունների ներկայացում, մեկնաբանություն
- Թումանյանական ընթերցարանների, ֆիլմերի, հեքիաթների ժողովածուների ստեղծում
- Ստեղծագործական երևակայության, բանավոր խոսքի, տեխնոլոգիական, մեդիատեխնոլոգիական, երաժշտական հմտությունների զարգացում
Աշխատանքի ընթացքը
- Վերհիշել Թումանյանի իմացած, կարդացած ստեղծագործությունները
- Բանաստեղծությունները սովորել կենդանի խաղի, բեմականացման, նկարելու միջոցով
Տեխնոլոգիական գործունեություն-Թափոններով, կավով, խմորով ստեղծում ենք թումանյանական կերպարներ
Թատրոն-Մնջախաղի, թաթիկ-տոտիկների, ստվերների, խամաճիկների միջոցով խաղում ենք Թումանյան
Ընտանեկան նախագծեր-Թումանյան կարդում ենք ընտանիքում ՝ ներառելով ընտանիքի անդամներին։ Ստեղծվում է թումանյանական մեդիաներկայացումների փաթեթ:
Նախագծի իրականացման ընթացքում ստեղծված մեդիանյութերը հրապարակվում են դասարանական բլոգում, ենթակայքում:
1-2 դասարանի դասարանական բլոգ, դասվար՝ Ազնիվ Մանուկյան 