Խնձորը այգում, պահեստում և մեր սեղանին․ուսումնական ճամփորդություն

Վայր՝ ք․ Աշտարակ, Դանիել Հակոյանի խնձորի այգի

Մեկնում`  հոկտեմբերի 5-ին, ժամը՝ 10։00 Սուրբ Երրորդություն եկեղեցու բակ

Վերադարձ՝ ժամը 15։00-ին Հյուսիսային դպրոց-պարտեզ

Մասնակիցներ՝ Հյուսիսային դպրոց-պարտեզ 2․1,2.2,2.3 դասարաններ

Պատասխանատուներ՝ Ազնիվ Մանուկյան, Կարինե Մամիկոնյան, Լիանա Ռոզիկյան, Դանիել Հակոբյան,

Նպատակ՝

• Սովորողների հետ իրականացնել այգու ուսումնասիրություն, խնձորի տեսակների տարբերակում

• Կատարել բերքավաք , բերքը վերածել չրի և մուրաբայի

• Ծանոթանալ խնձորի պահեստավորման ընթացքին

Խնդիրներ՝

• Ծանոթանալ խնձորի այգիների առանձնահատկություններին՝ միաշարք, ըստ տեսակի։
• Ծանոթանալ այն բոլոր միջոցներին և գործիքներին, որով կատարվում է խնձորի հավաքը․ դույլ, փոքրիկ աստիճան, դույլի համար ամրակ, արկղեր։
• Ծանոթանալ խնձորի մշակմանը․ կներկայացնի Դանիել Հակոբյանը
• Միասին կատարել խմբային աշխատանք՝ քաղել խնձորը, դասավորել արկղերում, տեսակավորել՝ ըստ չափսերի և տեսակի։
• Կատարել աշխատանքի բաշխում՝ բաժանվել խմբերի․ առաջին խմբին նշանակել բերքի հավաքման պատասխանատու, երկրորդ խմբին՝ բերքի տեղափոխման պատասխանատու, երրորդ խմբին՝ տեսակավորման և դասավորման պատասխանատու։
• Այցելել Աշտարակի պահեստ-սառնարան, որտեղ կծանոթանանք բերքի պահեստավորմանը
• Իրականացնել խնձորախաղեր Դանիել Հակոբյանի հետ
• Խնձորը բերել Հյուսիսային դպրոց և պատրաստել չրեր, մուրաբաներ

Խնձորաղաղեր՝

Թիմային խնձորուտոցի․ ով շատ ուտի, նա կհաղթի

Խնձորագլոր․ գլորել խնձորները հնարավորինս հեռու

Խաղերը կլուսաբանի Խորոտ TV-ին։

Ծրագրում՝

Առավոտյան եկեղեցու բակից շարժվում ենք դեպի Աշտարակ, որտեղ մեզ սպասելու է Դանիել Հակոբյանը։ Միասին ուղևորվում ենք իրենց այգի, որտեղ նա մեզ կծանոթացնի իր և հորեղբոր այգուն, որտեղ տարբեր տեսակի խնձորներ կան։ Սովորողները կծանոթանան անհրաժեշտ պարագաներին և կբաժանվենք թիմերի ու կսկսենք փոքրիկ բերքհավաք։ Կտեսակավորենք և կտեսակավորենք արկղերում, որից հետո կունենանք փոքրիկ ընդմիջում և կիրականացնենք նախատեսված խաղերը։ Բերքը դասավորելուց հետո կգնանք պահեստ, որտեղ կծանոթանանք պահեստավորման աշխատանքներին, կիմանանք ինչ ջերմաստիճանում է պետք պահել խնձորը, ի դեպ ըստ տեսակի պահելու ջերմաստիճանները տարբեր են։

Պահեստից հետո կուղևորվենք Հյուսիսային դպրոց, մեզ հետ բերելով խնձորի պաշար։

Հաջորդ օրը կսկսենք չրի և մուրաբայի պատրաստումը․Լիանա Ռոզիկյանը իր սովորողների հետ կպատրաստեն չրեր, Կարինե Մամիկոնյան, Ազնիվ Մանուկյանը իրենց սովորողների հետ կպատրաստեն խնձորի մուրաբա։

Անհրաժեշտ պարագաներ՝

• Ուսապարկ
• Ալկոգել
• Բրդուճներ
• Թաց և չոր անձեռոցիկներ
• Ջուր-ջրաման-թերմոս
• Արևապաշտպան գլխարկ
• Հարմար հագուստ, կոշիկ
• Բուժական արկղիկ
• Մեդիագործիքներ – հեռախոս, պլանշետ, ֆոտոխցիկ, ձայնագրիչ

Արդյունքում՝

• Սովորողները կունենան պատկերացում խնձորի տեսակների մասին
• Կիրականացնեն բերքահավաքի աշխատանք
• Կծանոթանան պահեստավորմանը
• Ուսումնական մառանը կհամալրվի խնձորի չրով և մուրաբայով

Աշնանային բերքահավաքի գաղափարը՝ Լիանա Ռոզիկյանի